پاکستان کے سب سے بڑے میڈیا گروپ اے آر وائی نے پاکستان کے پہلے ہائی ڈیفینیشن چینل اے سپورٹس کی نشریات کا آج باقاعدہ آغاز کر دیا ہے۔ افتتاحی نشریات کا آغاز آج شام 6 بجے قران کریم کی تلاوت سے کیا گیا، جس کے بعد سپورٹس کی نشریات کا آغاز سپورٹس اینکر فخر عالم نے کیا، کراچی کنگز اور اے آر وائی میڈیا گروپ کے چیف ایگزیکٹو سلمان اقبال نے بطور مہمان خصوصی اے سپورٹس کی افتتاحی نشریات میں شرکت کی۔
سابق کپتان پاکستان کرکٹ ٹیم مصباح الحق، کرکٹ لیجنڈ وقار یونس اور سابق فاسٹ باولر وہاب ریاض، وسیم بادامی، فہد مصطفیٰ اور اقرارالحسن کے علاوہ پاکستان کے مایہ ناز مصنف انور مقصود بھی افتتاحی نشریات میں شریک ہوئے۔
سابق کپتان پاکستان کرکٹ ٹیم وسیم اکرم نے بطور پریذیڈنٹ اے سپورٹس چینل کو جوائن کیا ہے، ان کے علاوہ کھیلوں کے شعبے کی بڑی شخصیات بھی اے سپورٹس ٹیم کا حصہ ہوں گی۔
Delighted to annouce that i have joined Pakistans first HD sports channel A-SPORTS as President. I would like to thank the ARY Group & especially my friend @Salman_ARY for this opportunity. This is a very exciting development in Sports & media for Pakistan @asportstvpk pic.twitter.com/U7x25CT8Bc
— Wasim Akram (@wasimakramlive) October 9, 2021
انٹرنیشنل کرکٹ کے ہونے والے بڑے ایونٹ ٹی ٹونٹی ورلڈ کپ 2021ء کے تمام میچز پاکستانی شائقین اے سپورٹس پر براہ راست دیکھ سکیں گے۔
