ججز کی تقرری کرنے والی پارلیمانی کمیٹی نے جسٹس عائشہ اکرم کی بطور سپریم کورٹ جسٹس تعیناتی کی منظوری دے دی ہے۔

تفصیلات کے مطابق ججز تقرری سے متعلق پارلیمانی کمیٹی کا اجلاس پیپلز پارٹی کے رہنما فاروق ایچ نائیک کی زیرصد ارت منعقد ہوا، جس میں پارلیمانی کمیٹی نے جسٹس عائشہ ملک کو سپریم کورٹ کا جج مقررکرنے کی منظوری دی۔

فاروق ایچ نائیک کا کہنا تھا کہ جسٹس عائشہ ملک کے نام کی منظوری اتفاق رائے سے دی گئی ہے، ہم سنیارٹی کے طریقہ کار کو ختم نہیں کررہے، ایک خاتون کی سپریم کورٹ میں بطور جسٹس تاریخ میں پہلی بار تقرری ہورہی ہے، تو ملکی مفاد میں اس کی منظوری دی گئی۔

واضح رہے کہ سپریم کورٹ میں 17 ججوں کی تعداد مقرر ہے، جسٹس مشیر عالم 17 اگست 2021ء کو ریٹائر ہو گئے تھے، جس کے باعث ایک نشست  تاحال خالی ہے، جس کیلئے جوڈیشل کمیشن نےجسٹس عائشہ ملک کو سپریم کورٹ میں جج مقرر کرنے کی سفارش کی تھی۔