عرب فوجی اتحاد نے دارالحکومت صنعاء میں حوثی ملیشیا کے ٹھکانوں اور عسکری کیمپوں کےٹھکانوں پر متعددفضائی حملے کئے ہیں۔
عرب فوجی اتحاد کی جانب سے جاری بیان میں صنعاء میں حوثیوں کے زیر انتظام ڈرون طیاروں کے گوداموں اور رابطہ نظام کو نشانہ بنانے کی تصدیق کی گئی ہے، اور بتایا گیا ہے کہ یہ کارروائی جبل النبی شعیب (علیہ السلام) کے علاقے میں کی گئی۔
عرب فوجی اتحاد کے مطابق ان حملوں میں حوثی ملیشیاء کے اسلحے کے گودام اور ڈرون طیاروں کو تباہ کردیا گیا ہے، اور اتحادی لڑاکا طیاروں نے حوثی باغیوں کے بیلسٹک میزائل داغنے کے دو پلیٹ فارم کو بھی تباہ کر دیا ہے۔
فقدت العائلة اثنين من أولادها في انفجارات محاولاتها نزع ألغام #الحوثي التي حصدت أرواح آلاف اليمنيين.. هذه قصة أشهر عائلة يمنية تعمل مع فرق مسام لنزع الألغام#اليمن#العربية pic.twitter.com/fzP7L8yyxX
— العربية (@AlArabiya) January 18, 2022
یاد رہے کہ گذشتہ روز ابو ظہبی پر حوثی ملیشیاء کے حملے کے بعد عرب فوجی اتحاد نے یمن کے مختلف علاقوں میں کاروائی کرتے ہوئے حوثی باغیوں کے 80 جنگجوؤں کو ہلاک، جبکہ ان کی 9 عسکری گاڑیوں کو تباہ کر دیا گیا تھا۔
