بھارتی حکومت کی جانب سے کشمیریوں کے خلاف انتقامی کارروائیوں کا سلسلہ نہ رک سکا،  مودی سرکار نے مرحوم سید علی شاہ گیلانی کے پوتے کو جموں وکشمیر میں مبینہ طور پر دہشت گردانہ سرگرمیوں کو ہوا دینے کا الزام عائد کرکے  ہفتہ کے روز سرکاری نوکری سے نکال دیا گیا۔ سید علی گیلانی کے پوتے انیس الاسلام شیخ کو2016ء میں شیر کشمیر انٹرنیشنل بین الاقوامی کنونشن سینٹر میں ریسرچ آفیسر تعینات کیا گیا تھا۔ حکومت کا کہنا ہے کہ ان کی برخاستگی آئین کے آرٹیکل 311 (2) کے تحت کی گئی ہے۔ بھارتی حکومت کی جانب سے انیس الاسلام  کو نوکری سے نکالنے کیلئے ان پر دہشت گردی میں معاونت کے الزامات کے ساتھ سیکیورٹی خدشات کو بھی بنیاد بنایا گیا ہے۔