افغان طالبان کا وفد امریکی حکام سے مذاکرات کرنے کے لیے ناروے روانہ ہوگیا ہے۔
میڈیا رپورٹس کے مطابق امریکی حکام سے مذاکرات کیلئے طالبان کا وفد افغان وزیر خارجہ امیر خان متقی کی قیادت میں روانہ ہوا ہے۔رپورٹس میں بتایا گیا ہے کہ افغانستان کے طالبان اوسلو میں امریکی حکام سے ملاقاتیں کریں گے، جبکہ ناروے کے حکام سے بھی ملاقاتیں کریں گے۔افغان طالبان کا وفد چار روزہ دورے پر ناروے گیا ہے، جبکہ ناروے میں قیام میں توسیع کا بھی امکان ہے۔
طالبان کے ترجمان ذبیح اللہ مجاہد نے کہا کہ امارت اسلامیہ نے مغربی دنیا کے مطالبات کو پورا کرنے کے لیے اقدامات کیے ہیں اور ہم تمام ممالک بشمول یورپی ممالک اور عمومی طور پر مغرب کے ساتھ اپنے تعلقات کو سفارت کاری کے ذریعے مضبوط کرنے کی امید رکھتے ہیں۔نہوں نے کہا کہ طالبان نے جنگ کی فضا کو پرامن ماحول میں بدلنا چاہتے ہیں۔ طالبان اور مغربی حکام کے مطابق اوسلو میں مذاکرات کا عمل شروع ہوگا جس میں انسانی حقوق سمیت امداد سرگرمیوں سے متعلق امور زیر بحث آئیں گے۔طالبان کے وفد کی سول سوسائٹی سے تعلق رکھنے والے افغانوں سے بھی ملاقات متوقع ہے، جن میں خواتین رہنما اور صحافی بھی شامل ہیں۔
