جرمنی کے شہر ہالے میں قائم ایک مسجد پر فائرنگ کا واقعہ پیش آیا ہے۔
تفصیلات کے مطابق جرمنی کے مشرقی شہر ہالے میں ایک شخص نے مسجد پر اچانک فائرنگ شروع کر دی، عینی شاہدین کے مطابق حملہ آور نے اپنے گھر کی چھت سے اسلامک کلچر سینٹر نامی مسجد پر فائرنگ کی۔ پولیس حکام کا کہنا ہے کہ جائے وقعہ سے تین گولیاں ملی ہیں، جو مسجدکی کھڑکی لگیں، اور خوش قسمتی سے کوئی جانی نقصان نہیں ہوا۔
پولیس رپورٹ کے مطابق عینی شاہدین کی نشاندہی پر مسجد کے سامنے موجود بلڈنگ کے فلیٹ سے فائرنگ کرنے والے 55 سالہ شخص کو گرفتار کرلیا گیا ہے، اور اس کے گھر کی تلاشی کے دوران اسلحہ بھی برآمد کر لیا گیا ہے، پولیس نے مقدمہ درج کر کے تحقیقات شروع کر دی ہیں۔