پاکستان سپر لیگ کے ساتویں ایڈیشن کا آغاز کل سے کراچی کے مشہور نیشنل اسٹیڈیم میں شروع ہوگا، پہلے  ہی میچ میں دو بڑے کھلاڑی مدمقابل

پی ایس ایل 7: پہلے ہی میچ میں بابر اور رضوان مدمقابل ہوں گے،جس میں دفاعی چیمپیئن ملتان سلطانز کا مقابلہ 2020 کی چیمپئن کراچی کنگز سے ہو گا۔بابر اعظم جنہوں نے 2021 میں 20 کے ساتھ ایک کیلنڈر سال میں بطور کپتان سب سے زیادہ ٹی ٹوئنٹی جیتنے کا ریکارڈ بنایا، کراچی کنگز کی قیادت کریں گے۔ محمد رضوان، ایک کیلنڈر سال میں 1000 سے زیادہ ٹی ٹوئنٹی رنز بنانے والے پہلے بلے باز ملتان سلطانز کی قیادت کریں گے۔

بابر اعظم کا کہنا ہے کہ میں اس سیزن میں کراچی کنگز کی قیادت کرنے کے لیے بہت پرجوش ہوں۔ یہ پہلا موقع ہے کہ میں پی ایس ایل میں کسی ٹیم کی کپتانی کروں گا اور میں اس کا منتظر ہوں۔ملتان سلطان کے کپتان محمد رضوان نے کہا کہ  ہمارے پاس اپنے ٹائٹل کا دفاع کرنے کی تمام صلاحیتیں ہیں اور ہم کل اسی ذہن کے ساتھ میدان میں اتریں گے۔ یہ سیزن ہمارے لیے نئے چیلنجز پیش کرے گا اور ہمیں اس کے مطابق منصوبہ بندی کرنی ہوگی۔