بلوچستان کے علاقے کیچ میں دہشتگردوں نے سیکیورٹی فورسز کی چیک پوسٹ پر حملہ کیا ہے جس میں پاک فوج کے 10 جوان شہید ہو گئے ہیں۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کی جوابی کارروائی میں ایک دہشت گرد ہلاک جبکہ متعدد زخمی ہو گئے ہیں۔

آئی ایس پی آر کے مطابق دہشت گردوں نے 25 اور 26 جنوری کی درمیانی شب سیکیورٹی فورسز کی چیک پوسٹ پر یہ حملہ کیا تھا۔

آئی ایس پی آر کے مطابق علاقے سے کلیئرنس آپریشن تاحال جاری ہے، جس کے دوران 3 دہشت گردوں کو گرفتار کر لیا گیا ہے۔

آئی ایس پی آر کا کہنا ہے کہ مسلح افواج دہشت گردوں کےخاتمےکیلئے پرعزم ہیں، ہر قیمت پر دہشت گردی کا خاتمہ یقینی بنایا جائے گا۔