ایران نے سعودی عرب کو تہران میں سفارتخانہ کھولنے کی دعوت دے دی ہے۔
ایران کے وزیر خارجہ امیر عبد الہیان نے اپنے ایک بیان میں کہا ہے کہ سعودی عرب جب بھی سفارتی تعلقات معمول پرلانا چاہے تو ایران کے دروازے سعودی عرب کیلئے کھلے ہیں۔
ایرانی وزیرخارجہ نے مزید کہا کہ دونوں ممالک کو چاہیے کہ باہمی تعلقات بحال کریں اورایک دوسرے کے ملکوں میں سفارت خانے کھولیں۔
یاد رہے کہ سعودی عرب نے کچھ روز قبل ایران کو او آئی سی میں اپنی ذمہ داریاں سنبھالنے کی اجازت دی تھی جس کے بعد ایرانی سفارتکاروں نے سعودی عرب میں اپنی ذمہ داریاں سنبھال لی تھیں۔
