سندھ کے بلدیاتی نمائندوں کے اختیارات کے متعلق 2017ء میں ایم کیو ایم کی جانب سے دائر کئے گئے کیس کا کل سپریم کورٹ میں فیصلہ سنایا جائے گا۔

تفصیلات کے مطابق چیف جسٹس آف پاکستان جسٹس گلزار احمد کل اپنی مدت ملازمت کے آخری روز متحدہ قومی موومنٹ کی سندھ کے بلدیاتی نمائندوں کے اکٹیارات کے متعلق دائر کی گئی درخواست پر فیصلہ سنائیں گے۔

یاد رہے کہ پی ٹی آئی اور ایم کیو ایم نے سندھ کے بلدیاتی نمائندوں کے اختیارات کیلئے 2017ء میں درخواست دائر کی تھی۔ سپریم کورٹ نے ایم کیو ایم کی درخواست کو الگ رکھتے ہوئے اس پر 26 اکتوبر 2020ء کو فیصلہ محفوظ کیا تھا، جو کل سنایا جائے گا۔

واضح رہے کہ چیف جسٹس گلزار احمد 10 سال سپریم کورٹ میں بطور جج تعینات رہے۔ جسٹس گلزار احمد 2 سال 2 ماہ اور 10 دن بطور چیف جسٹس پاکستان کا عہدہ سنبھالنے کے بعد کل ریٹائر ہوجائیں گے۔