ٹیم ملتان سلطانز کے کپتان محمد رضوان کا کہنا ہے  میچ میں  پہلے یا بعد میں بیٹنگ کرنے  سے کچھ نہیں ہوتا۔

پاکستان سپر لیگ سیزن 7 کے میچ میں کامیابی کے بعد کپتان ملتان سلطانز محمد رضوان نے کہا کہ میچ میں ٹاس کوئی معنیٰ نہیں رکھتا۔محمد رضوان نے کہا کہ میچ میں پہلے بیٹنگ ہو یا بعد میں ہماری ٹیم جیت کے لئے میدان میں اترتی ہے۔

پاکستان سپر لیگ کے سوشل میڈیا اکاؤنٹ پر محمد رضوان کے اس بیان کے حوالے سے ایک وڈیو شئیر کی گئی جس میں ان کا کہنا تھا کہ ٹاس کوئی معنیٰ نہیں رکھتا۔

وڈیو میں انہوں نے کہا کہ ملتان سلطانز کی ٹیم عام طور پر ٹاس جیتنے کے بعد بالنگ کرتی ہے لیکن چمپئین ٹیموں کو ٹاس سے کوئی فرق نہیں پڑتا۔انہوں نے مزید کہا کہ ٹاس کے بجائے اچھی کرکٹ پر توجہ دیں کیونکہ بہتر نتائج اچھی کرکٹ سے ہی آتا ہے۔

واضح رہے کہ گزشتہ روز ملتان سلطانز نے پی ایس ایل کے ساتویں ایڈیشن کے ساتویں میچ میں کوئٹہ گلیڈی ایٹرز کو سنسنی خیز اور اعصاب شکن مقابلے کے بعد 6 رنز سے شکست دی تھی۔