وزیراعلیٰ پنجاب عثمان بزدار نے سابق وزیراعظم میاں نواز شریف کی میڈیکل رپورٹس سامنے آنے پر نام لئے بغیر ان پر طنز کیا ہے۔
ٹوئٹر پر جاری اپنے بیان میں عثمان بزدار کا کہنا تھا کہ صرف ریکارڈ کیلئے بتا رہا ہوں کہ دل کی تمام بیماریوں کا علاج صحت کارڈ کے ذریعے ہو سکتا ہے۔
Just for the record, All Heart diseases are covered in Sehat Card!!
— Usman Buzdar (@UsmanAKBuzdar) February 1, 2022
یاد رہے کہ نوازشریف کی میڈیکل رپورٹس آج لاہور ہائیکورٹ میں جمع کرا دی گئی ہیں، جس کے مطابق انہیں دل کی انجیو گرافی کے بعد مکمل صحتیاب ہونے تک سفر نہ کرنے کا مشورہ دیا گیا ہے۔ میڈیکل رپورٹس کے مطابق انہیں اس صورتحال میں کورونا کا مرض لاحق ہونے کی صورت میں سانس کا مسئلہ ہو سکتا ہے، جس کے باعث ان کی موت واقع ہو سکتی ہے، انہیں ڈاکٹر فیاض شال کی میڈیکل رپورٹ میں کہا گیا ہے کہ علاج کے بغیر پاکستان جا کر قید تنہائی کاٹنااور بیوی کے انتقال کا صدمہ ان کے دل کے مرض کو بڑھا سکتی ہیں۔
