بالی وڈ کی معروف اداکارہ کرینہ کپورنے ٹوئنکل کھنہ کے ساتھ حالیہ انٹرویو میں سیف کے ساتھ شادی اور دیگر موضوعات پر کھل کر گفتگو کی ہے۔

بالی وڈ اداکارہ ٹوئنکل کھنہ کے یوٹیوب چینل پر دئیے گئے انٹرویو میں بالی وڈ کی بے بو گرل کرینہ کپور کا کہنا تھا کہ 2008ء میں ٹشن فلم کی شوٹنگ کے دوران ہی اکشے کمار کو اندازا ہو گیا تھا کہ میرے اور سیف کے درمیان کچھ چل رہا ہے۔ جب اکشے کمار نے ہم دونوں کے ایک دوسرے کے دلی جذبات کو محسوس کیا تو وہ شوٹنگ کے دوران سیف کو سیٹ کے کنارے پر لے گئے اور کہا کہ سیف دھیان سے چلو، کرینہ بڑے خاندان کی خطرناک لڑکی ہے۔

کرینہ نے بتایا کہ اکشے نے سیف کو کہا کہ تم غلط رستے پر چل پڑے ہو، اس کے ساتھ فلرٹ یا دھوکہ کرنے کی کوشش نہ کرنا، لیکن سیف نے کہا کہ نہیں میں جانتا ہو کہ کیسے اور کیا کرنا ہے۔

یاد رہے کہ کرینہ کپور اور سیف علی خان نے 2012ء میں شادی کر لی تھی، جس میں ان کے  دو بیٹے تیمور علی خان اور جہانگیر علی خان ہیں۔ ان کی جوڑی کو بھی بالی وڈ کی کامیاب ترین شادی سمجھا جاتا ہے۔