وفاقی وزیر اطلاعات فواد چوہدری کا کہنا ہے کہ اس دورہ کے بعد چین سے کئی کاروباری اور صنعتی یونٹ پاکستان منتقل ہوں گے۔
فواد چوہدری کا کہنا تھا کہ وزیراعظم چینی صدر اور وزیراعظم سے ملاقاتیں کریں گے، جس میں اہم علاقائی اوربین الاقوامی امورپربات ہوگی اور تعلقات مزید مضبوط ہوں گے۔
وفاقی وزیراطلاعات نے کہا ہے کہ وزیراعطم عمران خان آج اعلیٰ سطح کے وفد کے ہمراہ چین کے اہم دورہ پر روانہ ہو رہے ہیں۔ وزیراعظم عمران خان کی چین کے صدر اور وزیراعظم سے علیحدہ علیحدہ ملاقاتوں کے علاوہ چین کے بڑے سرمایہ کاروں سے ملاقاتیں بھی طے ہیں۔ اس دورہ کے بعد چین سے کئی کاروباری اور صنعتی یونٹ پاکستان منتقل ہوں گے۔
وزیراعظم کے دورہ چین کا مقصد سرمائی اولمپکس میں پاکستان کی نمائندگی اور اس کی افتتاحی تقریب میں پاکستان کا جذبہ خیرسگالی پہنچانا ہے. وزیراعظم چین کے مختلف کاروباری شخصیات سے ملاقاتیں بھی کریں گے،اس دورہ کے بعد چین سے کئی کاروباری اور صنعتی یونٹ پاکستان منتقل ہوں گے@fawadchaudhry pic.twitter.com/aHLqbieySK
— Fawad Chaudhry (Updates) (@FawadPTIUpdates) February 3, 2022
انہوں نے مزید کہا کہ پاکستان چین تعلقات ہمالیہ سے اونچے اورسمندروں سے گہرے ہیں۔ سرمائی اولمپکس کی تقریب میں جذبہ خیرسگالی کا پیغام چین تک پہنچانا مقصود ہے۔
چین میں 20ممالک کے سربراہان موجود ہیں، پاکستان اورچین کی قیادت اہم علاقائی اور بین الاقوامی امور پر بھی تبادلہ خیال کریں گے۔ دورہ سے پاکستان اورچین کے تعلقات مزید مضبوط ہوں گے۔
