امریکی فورسز کے شام کے شمالی علاقے میں آپریشن کے دوران داعش کا سربراہ ابو ابراہیم الہاشمی ہلاک ہو گیا ہے۔
امریکی صدر جوبائیڈن کا ٹوئٹر پر جاری اپنے بیان میں کہنا تھا کہ میری ہدایت پر امریکی افواج نے ایک کامیاب آپریشن کیا ہے جس میں داعش کے سربراہ ابو ابراہیم الہاشمی کو ہلاک کر دیا گیا ہے۔
Last night at my direction, U.S. military forces successfully undertook a counterterrorism operation. Thanks to the bravery of our Armed Forces, we have removed from the battlefield Abu Ibrahim al-Hashimi al-Qurayshi — the leader of ISIS.
https://t.co/lsYQHE9lR9— President Biden (@POTUS) February 3, 2022
میڈیا رپورٹس کے مطابق امریکی فورسز کے آپریشن کے دوران داعش سربراہ نے خود کو دھماکے سے اڑا دیا، جس کے باعث ان کے اہل خانہ سمیت 13 افراد ہلاک ہو گئے۔ ہلاک ہونے والوں میں 4 بچوں اور 3 خواتین سمیت 7 عام شہری بھی شامل ہیں۔
میڈیا رپورٹس کے مطابق یہ کاروائی شام کے شہر ادلب کے علاقے اطمہ میں خفیہ معلومات کی بنیاد پر کی گئی۔ عینی شاہدین کا کہنا ہے کہ انہوں نے امریکی ائیرپورٹ کو علاقے میں اترتے دیکھا تو سب خوفزدہ ہو گئے۔ امریکی فوجیوں نے علاقے میں اتر کر اعلان کیا کہ پریشان نہ ہوں، ہم آپ کو دہشت گردوں سے بچانے کیلئے صرف اس گھر کی طرف آ رہے ہیں۔
عینی شاہدین کا کہنا ہے کہ ہیلی کاپٹر اترتے ہی دھماکے کی آواز سنائی دی، پھراس کے بعد ایک اور زوردار دھماکہ ہوا۔ دھماکوں کے بعد امریکی فوجی آس پاس کے گھروں کی تلاشی لیکر واپس چلے گئے۔
وائٹ ہاؤس کی جانب سے جاری بیان کے مطابق امریکی صدر، نائب صدر اور قومی سلامتی کمیٹی کے اراکین اس آپریشن کو براہ راست دیکھ رہے تھے، جس کے بعد داعش سربراہ کی ہلاکت کی تصدیق کی گئی۔ امریکی صدر جوبائیڈن کا کہنا ہے کہ تمام امریکی فوج کامیاب آپریشن کے بعد واپس بحفاظت لوٹ گئے ہیں۔
President Biden, Vice President Harris and members of the President’s national security team observe the counterterrorism operation responsible for removing from the battlefield Abu Ibrahim al-Hashimi al-Qurayshi — the leader of ISIS. pic.twitter.com/uhK75WeUme
— The White House (@WhiteHouse) February 3, 2022
یاد رہے کہ داعش کے بانی ابوبکر البغدادی کو 2019ء میں امریکی افواج نے ایک خصوصی آپریشن میں ہلاک کر دیا تھا، جس کے بعد ابو ابراہیم الہاشمی داعش کی قیادت کر رہے تھے۔
امریکی نشریاتی ادارے سی این این کی رپورٹ میں بتایا گیا ہے کہ داعش کے بانی سربراہ کی ہلاکت کے بعد یہ امریکی فورسز کا داعش کے خلاف دوسرا بڑا آپریشن ہے۔