اسلام آباد میں قومی رحمت للعالمین ﷺ کانفرنس سے خطاب کرتے ہوئے وزیراعظم عمران خان کا کہنا تھا کہ ریاست مدینہ میں انصاف اور میرٹ کی بالادستی تھی، جو جرنیل اچھی کارکردگی دکھاتا وہی اوپر آتا تھا۔بڑا عہدہ ملنا کسی کا بھی پیدائشی حق نہ تھا، حضرت بلالؓ جو پہلے غلام تھے وہ وزیر خزانہ بن گئے، جس میں بھی صلاحیت ہوتی وہ ترقی کرتا تھا، انہوں نے لیڈرز پیدا کئے، سارے صحابہؓ لیڈر بن گئے۔
90 لاکھ پاکستانی بیرون ملک ہیں، صرف 40 ہزار پاکستان میں سرمایہ کاری کر لیں تو ہمیں آئی ایم ایف کی ضرورت نہیں رہے گی
ملکی قرضوں کے متعلق گفتگو کرتے ہوئے وزیراعظم عمران خان کا کہنا تھا کہ 90 لاکھ پاکستانی بیرون ملک مقیم ہیں ، اگر ان میں سے صرف 30 یا 40 ہزار ہی پاکستان میں آکر سرمایہ کاری کرلیں تو ہمیں آئی ایم ایف کی ضرورت ہی نہ پڑے، ایک ایسے پاکستانی کو جانتا ہوں جس اکیلے کے پاس اتنا پیسہ ہے جتنا ہمارا آئی ایم ایف کا قرضہ ہے، وہ ترستے ہیں پاکستان آنے کیلئے لیکن پاکستان کا نظام انہیں یہاں نہیں آنے دیتا۔
“قانون کی بالادستی کے بغیر پاکستان کی خوشحالی کا خواب پورا نہیں ہو سکتا،”
وزیراعظم عمران خان،
جشن ولادت نبی ﷺ کی تقریب سے خطاب#عشرہِ_رحمت_العالمینﷺ pic.twitter.com/dwrA0MLCQn— Prime Minister’s Office, Pakistan (@PakPMO) October 19, 2021
قانون کی بالادستی قائم کئے بغیر جمہوریت قائم نہیں ہو سکتی
وزیراعظم عمران خان کا اپنے خطاب میں کہنا تھا کہ ہماری سب سے بڑی جنگ قانون کی بالادستی کو قائم کرنا ہے، جب تک ہم یہ جنگ نہیں جیتیں گے، ملک میں صحیح جمہوریت نہیں آ سکتی، اور نہ خوشحالی آ سکتی ہے، میں قانون کی بالادستی کیلئےآخری دم تک لڑوں گا کیونکہ ریاست مدینہ میں طاقتوروں کوقانون کےنیچےلایاگیا، جب تک طاقتورقانون کےنیچےنہیں آتا۔
“جب تک زندہ ہوں ملک میں انصاف اور قانون کی بالادستی کی جنگ لڑوں گا،”
وزیراعظم عمران خان،
جشن ولادت نبی ﷺ کی تقریب سے خطاب#عشرہِ_رحمت_العالمینﷺ pic.twitter.com/o4fWZmDlhV— Prime Minister’s Office, Pakistan (@PakPMO) October 19, 2021
بالی وڈ کے کلچر سے ہمارا خاندانی نظام تباہ ہو جائے گا
وزیراعظم نے کہا کہ ہالی ووڈ اوربالی ووڈسےجوکلچرآرہاہےاس سےہمارا خاندانی نظام بالکل تباہ ہوجائے گا، ملک میں تیزی سے جنسی جرائم بڑھ رہے ہیں جو کہ معاشرے کیلئے بہت بڑا خطرہ ہے، باہرکےملکوں میں اب ڈھائی سال سےزیادہ شادی نہیں چلتی کیونکہ وہاں فحاشی عام ہے، برطانیہ میں جب خاندانی نظام ٹوٹ گیا تب انہیں سمجھ آیا کہ پردے کا تصور کیوں ضروری ہے، ہم نے اپنے بچوں کو بچانا ہے، ان کے پاس موبائل فون ہےجس پر ہر طرح کی انفارمیشن ہے ایسی معلومات تاریخ میں کبھی بچوں کو میسر نہیں تھیں۔ ہم بچوں سے زبردستی موبائل فون تو نہیں لے سکتے نہ ہی سوشل میڈیا بند کر سکتے ہیں لیکن کم از کم بچوں کی تربیت تو کرسکتے ہیں، انہیں اس کلچر کے نقصانات تو بتاسکتے ہیں۔
“مغربی ثقافت کا اثر خاندانی نظام میں بگاڑ کا سبب ہے،”
وزیراعظم عمران خان،
جشن ولادت نبی ﷺ کی تقریب سے خطاب#عشرہِ_رحمت_العالمینﷺ pic.twitter.com/n1Y8olGYWN— Prime Minister’s Office, Pakistan (@PakPMO) October 19, 2021
لندن میں قطری خط پیش کیا جاتا تو جیل ہو جاتی
اپنے خطاب میں وزیراعظم عمران خان نے نواز شریف پر تنقید کرتے ہوئے کہا کہ لندن میں عوام کا پیسہ چوری کرنے والا پارلیمنٹ تو کیا میڈیا میں بھی منہ نہیں دکھا سکتا، پاناما کیس میں کس طرح کے جھوٹ بولےگئے، لندن میں اگر اس طرح قطری خط پیش کیا جاتا تو فوری جیل ہوجاتی۔
سوا کروڑ خاندانوں کو سبسڈی دیں گے
ملک میں بڑھتی ہوئی مہنگائی کے پیش نظر وزیراعظم عمران خان نے اعلان کرتے ہوئے کہا کہ جلد سوا کروڑ خاندانوں کو کھانے پینےکی اشیا کیلئے رقم دیں گے اورگندم پر بھی سبسڈی دیں گے۔
