اقوام متحدہ میں پاکستانی مندوب صائمہ سلیم نے ورکنگ گروپ مکالمے میں بھارتی مظالم  کوبے نقاب کرتے ہوئے کہا کہ بھارت کے زیر تسلط مقبوضہ کشمیر میں چند برس کے دوران جبری گمشدہ افراد کی متعدد قبریں ملی ہیں۔

نیو یارک میں جبری گمشدگیوں کے بارے میں ورکنگ گروپ کے مکالمے میں گفتگو کرتے ہوئے ان کا کہنا تھا  کہ مقبوضہ وادی میں خواتین کی بے حرمتی، غیر قانونی گرفتاریوں اور ماورائے عدالت قتل کے واقعات میں روز بروز اضافہ ہو رہا ہے، تحقیقات سے یہ بات سامنے آئی ہے  کہ قابض بھارتی فورسز نے پہلے ان متاثرہ افراد کو اٹھایا اور پھر انہیں تشدد کا نشانہ بنا کر ماورائے عدالت قتل کردیا۔ اقوام متحدہ جبری لاپتا افراد کے اہلخانہ کیلئے معاوضے کی ادائیگی میں اپنا کردار ادا کرے۔