الیکشن کمیشن نے علی امین گنڈا پور کے بھائی امیدوار عمر امین گنڈا پور کو نااہل قرار دیدیا ہے۔

تفصیلات کے مطابق الیکشن کمیشن نے بلدیاتی انتخابات کے ضابطہ اخلاق کی خلاف ورزی پر مختصر فیصلہ جاری کردیا ، جس میں الیکشن کمیشن نے علی امین گنڈاپور کے بھائی عمر امین کو نااہل قرار دے دیا۔

۔ الیکشن کمیشن نے علی امین گنڈا پور کے ڈیرہ اسماعیل کے جانے پر پابندی ختم کر دی ۔

چیف الیکشن کمشنر نے مختصر فیصلہ پڑھ کرسنایا۔ الیکشن کمیشن نے عمر امین گنڈا پور کو ضابطہ اخلاق کی خلاف ورزی پر نااہل کیا۔ فیصلے میں کہا گیا کہ ڈی آئی خان سٹی مئیر کی نشست پر پی ٹی آئی امیدوار الیکشن نہیں لڑ سکیں گے، علی امین گنڈا پور گھریلو تقریبات میں شریک ہوسکیں گے، وفاقی وزیر نے پھر خلاف ورزی کی تو سخت کارروائی ہوگی۔