لتا منگیشکر کی آخری رسومات میں شاہ رخ خان نے کس خاتون کے ہمراہ شرکت کی، سوشل میڈیا پر نئی بحث چھڑ گئی۔
گزشتہ روز ممبئی میں سروں کی ملکہ لتا منگیشکر کی آخری رسومات میں بھارت کی تمام بڑی شخصیات نے شرکت کی، جس میں وزیراعظم نریندر مودی، کرکٹ لیجنڈ سچن ٹنڈولکر، بالی وڈ کنگ شاہ رخ خان، عامر خان، رنبیر کپور و دیگر شامل تھے۔
شاہ رخ خان نے لتا کی میت پر کھڑے ہو کر دعا مانگی، جبکہ ان کے ساتھ سفید لباس میں ملبوس خاتون نے بھی یہی انداز اپنایا۔ سوشل میڈیا صارفین اس خاتون کو شاہ رخ خان کی اہلیہ گوری خان سمجھ بیٹھے، اور مسلمان شوہر کیساتھ ہندو اہلیہ کی دعا مانگنے کی تصاویر سوشل میڈیا پر شیئر کر کے اسے بھارت کا اصلی چہرہ قرار دینے لگے۔
Shah Rukh Khan and wife Gauri pay their respects to Lata Mangeshkar. Beautiful. pic.twitter.com/sqYRj7Dn5C
— Bodhisattva #DalitLivesMatter 🇮🇳🏳️🌈 (@insenroy) February 6, 2022
Here’s @iamsrk and his wife @gaurikhan bidding adieu to Lataji. What a picture of amity and respect this makes #Faith #Humanity pic.twitter.com/fT2M9ThviO
— Vinod Sharma (@VinodSharmaView) February 6, 2022
بعد ازاں یہ بات سامنے آئی کہ شاہ رخ خان کی اہلیہ گوری خان نے لتا منگیشکر کی آخری رسومات میں شرکت نہیں کی، شاہ رخ خان کے ساتھ نظر آنے والی خاتون ان کی مینیجر پوجا دادلانی تھیں۔
