وفاقی وزیر برائے انسانی حقوق شیریں مزاری کی بیٹی ایمان زینب مزاری نے آج ٹوئٹ میں وزیراعظم عمران خان پر طنز کرتے ہوئے کہا کہ “اگر ملک کو جادو ٹونے سے ہی چلانا تھا تو پھر اس قوم کا پیسہ اتنی بڑی کابینہ پر کیوں ضائع ہو رہا ہے؟ ملک کا مذاق جادو ٹونے سے اڑایا جا رہا ہے اور آپ چاہتے ہیں کے جادو کرنے والوں پر بات بھی نا ہو، ایسا تو ہر گز نہیں ہو گا”
اگر ملک کو جادو ٹونے سے ہی چلانا تھا تو پھر اس قوم کا پیسہ اتنی بڑی کابینہ پر کیوں ضائع ھو رہا ہے۔
ملک کا مذاق جادو ٹونے سے اڑایا جا رہا ہے اور آپ چاہتے ہیں کے جادو کرنے والوں پر بات بھی نا ہو۔۔۔ ایسا تو ہر گز نہیں ھو گا
— Imaan Zainab Mazari-Hazir (@ImaanZHazir) October 20, 2021
ایمان زینب مزاری کی ٹوئٹ پر جوابی ٹوئٹ کرتے ہوئے ان کی والدہ اور وفاقی وزیر برائے انسانی حقوق شیریں مزاری نے کہا کہ “میں شرمندہ ہوں کہ آپ اس حد تک گر کر ذاتی حملے کر رہی ہیں، بطور وکیل آپ کو یہ معلوم ہونا چاہیے کہ کسی ثبوت کے بغیر الزامات لگانا ہتک عزت کے زمرے میں آتا ہے، جب مسئلے کی بنیاد پر تمام تنقید ناکام ہوجائے تو اس سطح پر جاکر ذاتی حملے کرنا شرمناک فعل ہے”
I am ashamed you would resort to such low personalised unsubstantiated attacks esp since as a lawyer u shd know without any proof hurling such accusations is defamation. When all substantive issue-based criticism fails this level of a base personal attack is plain shameful. https://t.co/drbLN5bq9w
— Shireen Mazari (@ShireenMazari1) October 20, 2021
یاد رہے کہ گذشتہ ہفتے مسلم لیگ (ن) کی نائب صدر مریم نواز نے پریس کانفرنس اور فیصل آباد جلسے میں خطاب کرتے ہوئے بھی یہی کہا تھا کہ عمران خان ملک کے بڑے فیصلے جادو ٹونے اور جھاڑ پھونک سے کر رہے ہیں، ان کا کہنا تھا کہ ملک کی اہم تقرریاں جن کا براہ راست تعلق قومی سلامتی سے ہے ان کے فیصلے وزیراعظم نہیں بلکہ جنات کر رہے ہیں۔