پی ٹی آئی کے رکن قومی اسمبلی اور اینکر پرسن عامر لیاقت کی اہلیہ طوبیٰ عامر نے اپنے شوہر سے خلع لے لی ہے۔
ٹوئٹر پر جاری اپنے بیان میں سیدہ طوبیٰ کا کہنا تھا کہ وہ انتہائی بوجھل دل کے ساتھ اپنی زندگی میں ہونے والی پیشرفت سے آگاہ کرنا چاہتی ہیں۔ انہوں نے کہا کہ میرے قریبی دوست احباب اور خاندان کے ارکان پہلے سے ہی یہ بات جانتے ہیں کہ میری عامر لیاقت سے 14 ماہ سے علیحدگی چل رہی ہے۔
— Syeda Tuba Anwar (@TubaAtweets) February 9, 2022
سیدہ طوبیٰ نے کہا کہ ان 14 ماہ کے دوران رشتے میں پڑی دراڑیں ختم ہونے کا کوئی امکان نظر نہیں آیا جس کی وجہ سے میں نے خلع لینے کا فیصلہ کیا ہے۔ طوبیٰ کا کہنا تھا کہ میں بتا نہیں سکتی کہ یہ میرے لئے کتنا مشکل وقت ہے، لیکن مجھے اللہ پر پورا بھروسہ ہے۔ انہوں نے کہا کہ میں سب سے اپیل کروں گی کہ اس مشکل گھڑی میں میرے فیصلے کا احترام کیا جائے۔
