لاہور ہائیکورٹ ملک میں صدارتی نظام کیلئے ریفرنڈم کرانے کی درخواست خارج کر دی ہے۔

تفصیلات کے مطابق شہری حفیظ الرحمان کی جانب سے دائر کی گئی درخواست میں موقف اپنایا گیا تھا کہ صدارتی جمہوری  نظام کے نفاذ سے ملکی مسائل حل کرنے میں مدد ملے گی۔ شہری کا کہنا تھا میں نے پہلے حکومت کو بھی یہ درخواست دی تھی، لیکن اس پر کوئی ردعمل نہیں دیا گیا۔

لاہور ہائیکورٹ کے جسٹس جواد حسن نے درخواست پر فیصلہ جاری کرتے ہوئے کہا کہ یہ  درخواست آئین کابنیادی ڈھانچا بدلنے کیلئے دی گئی، اور عوامی رائے جاننے کیلئے یہ درخواست آئین اور جمہوریت کے بنیادی ڈھانچے کے خلاف ہے۔

فیصلے میں مزید کہا گیا کہ عدالت عظمیٰ اس کے متعلق پہلے سے تفصیلی فیصلہ جاری کر چکی ہے۔