شمالی وزیرستان میں فورسز کے آپریشن میں اہم دہشت گرد ہلاک ہو گیا۔
پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے شیوہ میں فائرنگ کا تبادلہ گزشتہ رات ہوا جبکہ ہلاک دہشت گرد سے اسلحہ اور گولہ بارود برآمد ہوا ہے ۔
آئی ایس پی آر کے مطابق ہلاک دہشت گرد سکیورٹی فورسز کے خلاف دہشت گردی کی کارروائیوں، ٹارگٹ کلنگ اور اغوا برائے تاوان کی وارداتوں میں بھی ملوث تھا ۔
آئی ایس پی آر کا کہنا ہے کہ مقامی افراد نے سکیورٹی فورسز کے آپریشن کی تعریف کرتے ہوئے دہشت گردی کے خاتمے کے لیے مکمل تعاون کا اظہار کیا ۔