پاکستان میں آج فی تولہ سونے کی قیمت میں غیر معمولی اضافہ ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 1150 روپے  کے بڑے اضافے  کے بعد  فی تولہ سونےکی قیمت ایک لاکھ 26 ہزار 450 روپے ہو گئی ہے۔ اسی تناسب سے 10 گرام سونے کی قیمت 985 روپے کے اضافے کے بعد ایک لاکھ 8 ہزار 410 روپے ہو گئی ہے۔

عالمی صرافہ مارکیٹ میں بھی فی اونس سونےکی قیمت میں بھی 34 ڈالر کا اضافہ ریکارڈ کیا گیا ہے، جس کے بعد فی اونس سونے کی قیمت ایک ہزار 860 ڈالر پر پہنچ گئی ہے۔

یاد رہے کہ گذشتہ دو روز سے پاکستان میں سونے کی قیمت میں کمی کا رجحان ریکارڈ کیا گیا تھا۔