اسرائیلی جاسوس تین افراد پر مشتمل 5 سیلز میں کام کر رہے تھے، جس کے تحت غیر ملکی طلباء کے ڈیٹا سمیت دیگر حساس معلومات موساد کو فراہم کی جا رہی تھیں۔
ترک میڈیا کے مطابق نیشنل انٹیلی جنس کی ٹیم نے پولیس اور متعلقہ اداروں کو ان جاسوسوں کے متعلقات معلومات فراہم کیں جس کے بعد 7 اکتوبر کو ایک خفیہ آپریشن کے تحت انہیں 4 مختلف صوبوں سے گرفتار کیا گیا۔ میڈیا رپورٹ میں کہا گیا ہے کہ یہ جاسوس ترکی کی یونیورسٹیوں میں زیر تعلیم غیر ملکی طلباء کا ڈیٹا موساد کو فراہم کر رہے تھے اور خاص طور پر ان کا ڈیٹا شیئر کیا جا رہا تھا جو مستقبل میں دفاع کے شعبے میں کام کرنےکے خواہاں تھے۔ گرفتار کئے جانے والے جاسوسوں میں ایک سیل براہ راست موساد سے رابطے میں تھا اور انہیں وہیں سے ٹاسک سونپے جا رہے تھے۔
National Intelligence Organization (MIT) exposes a network of operatives working for Israeli intelligence agency Mossad that had been covertly carrying out activities against Israeli opponents and foreign students in Turkeyhttps://t.co/12mhvSDA6z
— DAILY SABAH (@DailySabah) October 21, 2021
میڈیا رپورٹ کا یہ بھی کہنا تھا کہ ان افرادمشتبہ افراد کی ایک سال تک انٹیلی جنس بنیادوں پر نگرانی کی گئی اور مکمل شواہد کے حصول کے بعد انہیں گرفتار کیا گیا، اور انہیں گرفتار کرنے کا آپریشن ترکی کی نیشنل انٹیلی جنس آرگنائزیشن (ایم آئی ٹی) نے سرانجام دیا۔
گرفتاری کے بعد فی الحال اسرائیلی حکام کی جانب سے کوئی ردعمل سامنے نہیں آیا۔
