الیکشن کمیشن آف پاکستان نے قومی اسمبلی کے حلقہ این اے 75 ڈسکہ کے ضمنی انتخاب میں ہونے والی  بد عنوانی، بے ضابطگیوں اور غیرقانونی سرگرمیوں پر 60 سرکاری افسران کے خلاف متعلقہ محکموں کو  کارروائی کا حکم دیا ہے۔

تفصیلات کے مطابق الیکشن کمیشن پنجاب نے وفاقی سیکرٹری اسٹیبلشمنٹ ڈویژن، چیف سیکرٹری اور سیکرٹری سروسز پنجاب کومراسلہ لکھا ہے، جس میں 60 سرکاری افسران کے خلاف سول سرونٹس ای اینڈ ڈی رولز 2020ء اور پنجاب پیڈا ایکٹ کے تحت کارروائی کا حکم دیا گیا ہے۔

سابق ڈی پی او حسن اسد علوی،  اسسٹنٹ کمشنر، سابق ڈپٹی کمشنر، 12 پولیس افسران، ریٹرننگ اور پریذائیڈنگ آفیسر کیخلاف سیشن کورٹ میں فوجداری مقدمات کیلئے استغاثہ دائر کرنے کا فیصلہ کیا گیا۔

الیکشن کمیشن کے خط میں ملوث افسران کےخلاف کارروائی کرکےالیکشن کمیشن کو رپورٹ بجھوانے کا کہا گیا ہے، اور ان افسران کو آئندہ کسی بھی الیکشن اوراہم عہدے  پرتعینات نہ کئے جانے کے احکامات بھی الیکشن کمیشن کے مراسلے میں درج ہیں۔