وزیراعظم اور صدر مملکت سے آرمی چیف جنرل قمر جاوید باجوہ نے اہم ملاقاتیں کی ہیں۔
تفصیلات کے مطابق وزیراعظم عمران خان سے آرمی چیف جنرل قمر جاوید باجوہ کی ملاقات وزیراعظم ہاؤس میں ہوئی، جس میں پاک فوج کے پیشہ ورانہ امور پر تبادلہ خیال کیا گیا، اور ملکی سلامتی، علاقائی سیکیورٹی اور امن و امان کی صورتحال پر بھی تبادلہ خیال کیا گیا۔
Chief of Army Staff General Qamar Javed Bajwa called on Prime Minister @ImranKhanPTI today.
Professional matters pertaining to Pakistan Army were discussed during the meeting. pic.twitter.com/X1LpZgZQju
— Prime Minister’s Office, Pakistan (@PakPMO) February 14, 2022
اس سے قبل آرمی چیف نے صدرمملکت ڈاکٹر عارف علوی سے بھی ایوان صدر میں ملاقات کی، جس میں آرمی چیف نے صدر مملکت کو سیکیورٹی فورسز کی پیشہ وارانہ تیاریوں اور دہشت گرد عناصر کے خلاف اقدامات کے بارے میں آگاہ کیا۔
آرمی چیف کا کہنا تھا کہ مسلح افواج ملک سے عسکریت پسندوں اور شرپسندوں کے خاتمے کیلئے پرعزم ہیں۔
اس موقع پر صدر مملکت ڈاکٹر عارف علوی نے سیکیورٹی فورسز کو زبردست خراج تحسین پیش کیا جنہوں نے بلوچستان اور خیبرپختونخوا کے نئے ضم شدہ اضلاع میں عسکریت پسندوں کے خلاف حالیہ کارروائیوں میں اپنی جانیں قربان کیں۔ انہوں نے کہا کہ قوم کو اپنی مسلح افواج کی قربانیوں پر فخر ہے جنہوں نے ہمیشہ ہر قسم کی مشکلات کے خلاف قومی سرحدوں کا دفاع کیا۔
صدرِ مملکت ڈاکٹر عارف علوی سے چیف آف آرمی اسٹاف، جنرل قمر جاوید باجوہ، کی ملاقات
ملاقات میں قومی سلامتی اور علاقائی صورتحال پر تبادلہ خیال
آرمی چیف کی صدر مملکت کو سیکورٹی فورسز کی پیشہ ورانہ تیاری، دہشت گرد عناصر کے خلاف اقدامات پر بریفنگ pic.twitter.com/PKd368ubQy
— The President of Pakistan (@PresOfPakistan) February 14, 2022
