پیپلز پارٹی کے چیئرمین بلاول بھٹو زرداری نے عوامی مارچ کے روٹ پلان کی منظوری دے دی جس کے بعد روٹ پلان جاری کردیا گیا۔
تفصیلات کے مطابق عوامی مارچ 27 فروری کو کراچی سے روانہ ہوگا اور 10 دن میں 34 مختلف شہروں سے ہوتا ہوا اسلام آباد پہنچے گا۔بلاول بھٹو کی سربراہی میں مارچ کا آغاز مزار قائد سے اتوار 27 فروری کو صبح 10 بجے ہوگا، جو براستہ ٹھٹہ اور سجاول سے ہوتا ہوا بدین پہنچے گا، جہاں عوامی مارچ کے پہلے دن کا اختتام ہوگا۔
عوامی مارچ اپنے دوسرے دن 28 فروری پیر کا آغاز حیدرآباد، ہالا، نواب شاہ سے ہوتا ہوا مورو پر ختم ہوگا۔ یکم مارچ کو عوامی مارچ مورو سے خیرپور شہر پہنچے گا، جہاں سکھر میں تیسرے دن کا اختتام ہوگا۔دو مارچ بدھ کو لانگ مارچ کا آغاز سکھر سے ہوگا جہاں سے وہ براستہ گھوٹکی رحیم یار خان پہنچے گا۔ 3مارچ کو مارچ رحیم یار خان سے مارچ بہاول پور، لودھراں سے ہوتا ہوا ملتان میں ختم ہوگا۔
Pakistan Peoples Party’s Awami March, led by Chairman Pakistan Peoples Party Bilawal Bhutto Zardari, will reach Islamabad in 10 days from Karachi via 34 different cities. @BBhuttoZardari pic.twitter.com/sL1emgqmT2
— Fawad Ali Khokhar (@FawadAliPPP) February 15, 2022
چار مارچ کو ملتان سے لانگ مارچ براستہ خانیوال، چیچہ وطنی سے ہوتا ہوا ساہیوال پہنچے گا۔ مارچ 5 مارچ کو ہفتے کو ساہیوال سے اوکاڑہ اور پتوکی سے ہوتے ہوئے لاہور میں داخل ہوجائے گا۔بلاول بھٹو 6 مارچ اتوار کو ناصر باغ لاہور میں لانگ مارچ کے شرکاء سے خطاب کریں گے۔ مارچ لاہور کے ناصر باغ سے شیرانوالہ باغ گوجرانوالہ پہنچے گا۔
بلاول بھٹو کی سربراہی میں لانگ مارچ 6 مارچ کو وزیرآباد میں اپنے دن کا اختتام کریگا۔ سات مارچ کو مارچ وزیر آباد سے لالہ موسی جائے گا اور راولپنڈی لیاقت باغ پر اپنے دن کا اختتام کریگا۔آٹھ مارچ کو لانگ مارچ کا آغاز راولپنڈی سے ہوگا اور عوامی قافلہ مختلف گزرگاہوں سے ہوتے ہوئے اسلام آباد پہنچے گا۔ اس دوران مختلف شہریوں سے بھی پی پی قافلے مارچ میں شامل ہوتے رہیں گے، جب کہ پی پی قائدین بھی عوامی مارچ کے ہمراہ سفر کریں گے۔
