خاتون اول بشریٰ بی بی کی مبینہ تضحیک اور کردار کشی پر مریم نواز کا موقف سامنے آ گیا ہے۔
ٹوئٹر پر جاری اپنے بیان میں مسلم لیگ (ن) کی نائب صدر مریم نواز کا وزیراعظم عمران خان کو مخاطب کرتے ہوئےکہنا تھا کہ آپ کوئی آسمان سے اتری ہوئی مخلوق نہیں ہیں کہ جس کی شان میں گستاخی کرنے پر شہریوں کے گھروں پر دھاوا بولا جائے گا اور ان کو سلاخوں کے پیچھے پھینکا جائے گا۔آپ کی اہلیہ کا جو احترام ہے وہی میری آئی سی یو میں بیہوش پڑی والدہ کا بھی ہونا چاہیے تھا، مخالفین کی بہنوں اور بیٹیوں کا بھی وہی احترام ہونا چاہیے تھا۔
آپ @ImranKhanPTI کوئی آسمان سے اتری مخلوق نہیں جس کی شان میں گستاخی کرنے پر شہریوں کے گھروں پر دھاوا بولا جائے گا اور انکو سلاخوں کے پیچھے پھینکا جائے گا۔آپ کی اہلیہ کا جو احترام ہے وہی میری ICU میں بیہوش پڑی والدہ کا ہونا چاہیے تھا،مخالفین کی بہنوں اور بیٹیوں کا ہونا چاہیے تھا
— Maryam Nawaz Sharif (@MaryamNSharif) February 16, 2022
مزید کہا کہ عاصمہ شیرازی، ثناء بچہ اور غریدہ فاروقی کا بھی وہی احترام ہونا چاہیے تھا، مگر اس وقت آپ نہ صرف خود اس گندے کھیل میں شامل تھے بلکہ اپنے جاہل وزراء کا حوصلہ بڑھاتے تھے۔ اقتدار جب ہاتھ سے نکلنے لگتا ہے تو آپ جیسے انسانوں کا خوف اسی طرح سامنے آتا ہے۔آپ کی حرکتیں دیکھ کر مشرف کے آخری ایام یاد آ جاتے ہیں۔
عاصمہ شیرازی،ثناء بچہ اور غریدہ فاروقی کا ہونا چاہیے تھا مگر اس وقت آپ نا صرف خود اس گندے کھیل میں شامل تھے بلکہ اپنے جاہل وزرا کا حوصلہ بڑھاتے تھے۔اقتدار جب ہاتھ سے نکلنے لگتا ہے تو آپ جیسے انسانوں کا خوف اسی طرح سامنے آتا ہے۔آپ کی حرکتیں دیکھ کر مشرف کے آخری ایام یاد آ جاتے ہیں https://t.co/c5akHlYb4x
— Maryam Nawaz Sharif (@MaryamNSharif) February 16, 2022
یاد رہے کہ چند روز قبل سوشل میڈیا پر وزیراعظم عمران خان اور ان کی اہلیہ بشریٰ بی بی کے درمیان اختلافات اور خاتون اول کے ناراض ہو کر لاہور اپنی دوست فرح کے گھر منتقل ہونے کی خبریں پھیلائی گئی تھیں، اور ٹائٹر پر بھی تضحیک آمیز ٹرینڈ چلائے گئے تھے۔ اس پر ایف آئی اے نے سائبر کرائم کے تحت کاروائی کرتے ہوئے صابر محمود ہاشمی کو گرفتار کر لیا تھا۔
