اپوزیشن لیڈر سندھ اسمبلی حلیم عادل شیخ نے سینئر نائب صدر تحریک انصاف سندھ کے عہدے سے استعفی دیدیا، علی جونیجو بھی پارٹی عہدے سے مستعفی ہو گئے۔

پی ٹی آئی رہنما حلیم عادل شیخ نے اپنے استعفیٰ کی وجہ بتاتے ہوئے کہا کہ وہ بحیثیت قائد حزب اختلاف مصروفیات کے باعث پارٹی عہدے پر کام نہیں کرسکتے اس لیے انہوں نے پارٹی عہدے سے استعفیٰ دیا ہے۔

جبکہ علی جونیجو نے بھی نائب صدر کے عہدے سے استعفی دیا ہے۔ آج پی ٹی آئی کی صوبائی کابینہ اور ضلعی عہدیداران کا نوٹفکیشن جاری ہوا تھا ۔

استعفوں کے متن کے مطابق مصروفیت کے سبب عہدے کی ذمہ داری پوری نہیں کرپائیں گے، مستعفی ارکان کو سندھ کے صدر علی زیدی کے پالیسی سے اختلاف ہے۔