صوبائی دارالحکومت پشاور میں حساس اداروں اور پولیس کی جانب سے مشترکہ آپریشن کیا گیا ہے۔

تفصیلات کے مطابق حسن خیل میں حساس اداروں اور پولیس نے مشترکہ آپریشن کیا،آپریشن کے دوران مائننگ کمپنیز کے گوداموں سے غیر قانونی بارودی مواد کی بھاری کھیپ برآمد کرلی گئی ہے۔

ڈی ایس پی بڈھ بیر ملک حبیب کا کہنا ہے کہ مائننگ دھماکوں میں استعمال ہونے والے 157 ڈیٹونیٹر اور 110 میٹر سیفٹی فیوز بھی برآمد کرلیے گئے ہیں۔انہوں نے بتایا کہ آپریشنز کے دوران 3 افراد کو گرفتار کرکے کلاشنکوف اور دیگر اسلحہ بھی برآمد کرلیا گیا ہے۔

ڈی ایس پی بڈھ بیر ملک حبیب کا کہنا تھا کہ ملزم نور الامین کا تعلق باڑہ، گل نواز کا سوات جبکہ رحمان اللہ درہ آدم خیل کا رہائشی ہے۔انہوں نے مزید بتایا کہ ملزمان سے مختلف زاویوں پر پوچھ گچھ شروع کر دی گئی ہے۔