مسلم لیگ ن کی نائب صدر مریم نواز نے کہا ہے کہ حکومت سوشل میڈیا کے متعلق جو قوانین بنارہی ہے وہ خودعمران اینڈ کمپنی کے خلاف استعمال ہونے والےہیں۔
ٹوئٹر پر اپنے بیان میں مریم نواز کا کہنا تھا کہ کہنےکو تو یہ قوانین میڈیا اور اپوزیشن کی آواز بند کرنےکے لیے ہیں، تاہم یہ قوانین عمران اینڈ کمپنی کے خلاف استعمال ہونے والے ہیں، پھرنہ کہنا بتایا نہیں۔
یہ حکومت جو بھی قوانین بنا رہی ہے کہنے کو تو میڈیا اور اپوزیشن کی آواز بند کرنے کے لیے ہیں، مگر یہ قوانین عمران اینڈ کمپنی کے خلاف استعمال ہونے والے ہیں۔ پھر نا کہنا بتایا نہیں!
— Maryam Nawaz Sharif (@MaryamNSharif) February 20, 2022
مریم نواز نے وزیراعظم عمران خان کو خبردارکرتےہوئے کہا ہےحکومت ان قوانین کے ذریعے اپنے بچھائےہوئے جال میں خودپھس جائے گئی۔
یاد رہےکہ صدر مملکت ڈاکٹر عارف علوی نے آج پریوینشن آف الیکٹرانک کرائمز (پیکا) ترمیمی اور الیکشن ترمیمی آرڈیننس پر دستخط کر دئیے ہیں۔
صدارتی ترمیمی آرڈیننس میں کسی بھی فرد کے تشخص پر حملے پر قید 3 سے بڑھا کر 5 سال کر دی گئی ہے۔ صدر مملکت کی جانب سے جاری پیکا آرڈیننس میں شخص کی تعریف شامل کر دی گئی ہے ،آرڈیننس کے مطابق شخص میں کوئی بھی کمپنی، ایسوسی ایشن، ادارہ یا اتھارٹی شامل ہے ۔
