ڈاکٹروں نے کامیاب سرجری کے ذریعے مریض کے پیٹ سے ثابت گلاس نکال لیا، لیکن گلاس پیٹ میں کیسے گیا، ڈاکٹر مریض کی بات سے متفق نہ ہو سکے۔
تفصیلات کے مطابق بھارتی ریاست بہار کے ضلع مظفر پور میں 55 سالہ شخص کو پیٹ میں شدید درد کے باعث نجی ہسپتال لایا گیا۔ ڈاکٹر کے الٹرا ساؤنڈ اور سکیننگ کے بعد واضح ہوا کہ مریض کی آنت میں شیشے کا گلاس موجود ہے۔ ڈاکٹروں کی ٹیم کے سربراہ ڈاکٹر محمود الحسن نے میڈیا کے الٹرا ساؤنڈ اور دیگر رپورٹ دکھائیں جو آپریشن سے پہلے لی گئی تھیں۔ ڈاکٹر محمودالحسن نے بتایا کہ الٹراساؤنڈ میں ہمیں واضح طور متاثرہ شخص کے معدے کے ساتھ ملحق آنت میں کوئی ٹھوس چیز نظر آئی، جسے آپریشن کے ذریعے نکالنا ناگزیر تھا۔
ڈاکٹر محمود الحسن نے میڈیا نمائندوں کو بتایا کہ پہلے ہم نے اینڈوسکوپی کے ذریعے گلاس نکالنے کی کوشش کی، لیکن ہم اس میں کامیاب نہ ہو سکے، اور ہمیں اس کیلئے باقاعدہ سرجری کرنی پڑی۔ ڈاکٹر کا کہنا تھا کہ مریض نے انہیں بتایا ہے کہ وہ چائے پیتے ہوئے گلاس بھی نگل گیا تھا، تاہم ڈاکٹرز اس سے متفق نہیں ہیں۔
Bihar: After surgery, doctors removed a glass of glass from the stomach of the person, how it got inside became a mystery, the patient said that he swallowed tea while drinking https://t.co/kH9nC8M7Z3
— News NCR (@NewsNCR2) February 20, 2022
ڈاکٹر محمود الحسن نے مزید بتایا کہ متاثرہ شخص کا آپریشن کامیاب ہو چکا ہے، لیکن مکمل صحت یابی کیلئے کچھ وقت درکار ہو گا۔