انٹرنیشنل سب میرین کیبلز میں خرابی کے بعد پاکستان سمیت دنیا بھر میں انٹرنیٹ سروسز متاثر ہو گئیں ۔ پاکستان ٹیلی کمیونی کیشن اتھارٹی کی جانب سے بتایا گیا کہ کیبلز میں خرابی کے باعث سروسز اور سپیڈ متاثر ہوئی ہے ۔

پاکستان کےسمندری ساحلوں سےتقریباً 400 کلومیٹرکےفاصلے پرکیبل کٹ گئی، ترجمان پی ٹی اے کا کہنا ہے کہ سمندر میں کیبل کٹ جانےسے ملک میں انٹرنیٹ سروسزمیں کمی واقع ہوسکتی ہے، ترجمان نے بتایا کہ ٹرانس ورلڈسب میرین کیبل سسٹم میں ایک کیبل کٹ جانےکی اطلاع موصول ہوئی ہے، خرابی کی وجہ سےبین الاقوامی بینڈوڈتھ کی بندش ہوئی ہے، خرابی کی جگہ اورانٹرنیٹ کی بحالی کےلیےکوششیں جاری۔