پاکستان میں فی تولہ سونے کی قیمت میں آج بڑی کمی کا رجحان ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 2800 روپےکی  بڑی کمی کے بعد فی تولہ سونےکی قیمت ایک لاکھ 27 ہزار 500 روپے ہو گئی ہے۔ 10 گرام سونے کی قیمت بھی 2400 روپے کی کمی کے بعد ایک لاکھ 9 ہزار 311 روپے ہو گئی ہے۔

عالمی صرافہ مارکیٹ میں بھی سونے کی قیمت میں بھی بڑی کمی ریکارڈ کی گئی ہے، فی اونس سونے کی قیمت 72 ڈالر کی کمی کے بعد 1900 ڈالر پر پہنچ گئی ہے۔

یاد رہے کہ روس کے یوکرین پر حملے کے بعد گذشتہ روز پاکستان میں فی تولہ سونے کی قیمت میں 3400 روپے جبکہ عالمی صرافہ مارکیٹ میں فی اونس سونے کی قیمت میں 77 ڈالر کا غیر معمولی اضافہ ریکارڈ کیا گیا تھا۔