دنیا کے بڑے حادثات اور واقعات کے متعلق پیش گوئیوں کیلئے مشہور سمپسنز کارٹون کی سیریز میں 24 برس قبل روس یوکرین جنگ کی بھی پیش گوئی کی گئی تھی۔
سوشل میڈیا پر ایک ویڈیو وائرل ہو رہی ہے، جس میں روس یوکرین کی حالیہ کشیدگی اور اس میں امریکی کردار کی عکس بندی کی گئی ہے، جو حقیقت سے بہت قریب تر دکھائی دیتی ہے۔
سوشل میڈیا پر وائرل ویڈیو میں دیکھا جا سکتا ہے کہ کارٹونز کے کردار میں امریکہ اور روس کے نمائندے آمنے سامنے بیٹھ کر جارحانہ انداز میں گفتگو کر رہے ہوتے ہیں۔ اسی دوران امریکی نمائندہ روس پرغصے سے رعب ڈالنے کی کوشش کرتا ہے تو روسی نمائندہ اپنے سامنے رکھی ملک کے نام پر مبنی پلیٹ کو گھما دیتا ہے، جس کی دوسری جانب سوویت یونین لکھا ہوتا ہے۔
سمپسنز ٹائیڈ کی اس کارٹون سیریز میں دکھایا گیا ہے کہ روس دوبارہ سوویت یونین کی جانب بڑھے گا، جس کے بعد جرمنی اور یورپ کیلئے مزید مسائل پیدا ہوں گے۔
Simpsons called it… #Russia #SovietUnion #Putin pic.twitter.com/9OQ9nSpiGF
— Matthew Walton (@Waltonamo) February 22, 2022
یاد رہے کہ سمپسنز ٹائیڈ کی یہ قسط 29 مارچ 1998ء کو ٹی وی پر نشر کی گئی تھی جب بورس یلٹسن روس کے صدر تھے۔
واضح رہے کہ اس سے قبل سمپسنز کارٹونز میں کورونا وبا، ڈونلڈ ٹرمپ کے امریکی صدر بننے اور بیروت دھماکے کی متعلق دہائیوں قبل پیش گوئی کی جا چکی ہے۔