نیشنل بینک آف پاکستان کا امریکی فیڈرل ریزرو بورڈ کے ساتھ معاہدہ طے پا گیا ہے۔

کراچی – (اے پی پی): نیشنل بینک آف پاکستا ن کا امریکی فیڈرل ریزرو بورڈ، فیڈرل ریزرو بینک آف نیویارک اور نیو یارک اسٹیٹ ڈپارٹمنٹ آف فنانشل سروسزجو نیشنل بینک کی نیویارک برانچ کا امریکی ریگولیٹری ادارہ ہے، کے ساتھ معاہدہ طے پاگیا ہے، جس میں مجموعی طور پر 55.4ملین ڈالر کے جرمانے شامل ہیں اور ہسٹاریکل کمپلائنس پروگرام کی خامیوں اور عمل درآمد میں بہتری میں تاخیرکی جانب توجہ مبذول کرائی گئی ہے۔

جمعے کو جاری کردہ اعلامیے کے مطابق نیو یارک برانچ مئی 2020ء نئی انتظامیہ کے زیر نگرانی خدمات انجام دے رہی ہے اوراس کے کمپلائنس پروگرام کو آگے بڑھانے میں قابل ذکر کارکردگی کا مظاہرہ کیا ہے۔

امریکی ریگولیٹری اداروں نے نئی انتظامیہ کی جانب سے کی گئی متعدد مثبت تبدیلیوں کو تسلیم کیا ہے۔ نیشنل بینک آف پاکستا ن اور نیویارک برانچ امریکی ریگولیٹری اداروں کی تشفی کیلئے پر عزم ہے۔