موہڑہ شریف کے سجادہ نشین الحاج پیر ہارون الرشید علالت کے بعد مری میں انتقال کر گئے ہیں۔
مرکزی دربار عالیہ موہڑہ شریف مری کے سجادہ نشین الحاج پیر ہارون الرشید 87 برس کی عمر میں انتقال کر گئے ہیں۔ پیر ہارون الرشید چند ہفتوں سے شدید علیل تھے، اور آج اپنے خالق حقیقی سے جا ملے۔پیر ہارون الرشید کے انتقال پر ملک بھر کی سیاسی سماجی شخصیات نے ان کی دین کیلئے خدمات کی تعریف کرتے ہوئے گہرے رنج کا اظہار کیا ہے۔
دربار انتظامیہ کا کہنا ہے کہ ملک بھر سے ان کے مریدین اور زائرین کی بڑی تعداد مری پہنچنا شروع ہو گئی ہے، ان کی نماز جنازہ کل بروز سوموار بعد نماز ظہر دربار کے احاطے میں ادا کی جائے گی۔
وزیراعظم آفس نے پیر ہارون الرشید کے انتقال پر افسوس کا اظہار کرتے ہوئے ان کی بلندی درجات اور لواحقین کیلئے صبر جمیل کی دعا کی ہے۔
سجادہ نشین دربار عالیہ موہڑہ شریف الحاج پیر ہارون الرشید صاحب کے انتقال پر تعزیت۔
اللہ تعالی غمزدہ خاندان کو اس دکھ کی گھڑی میں صبر جمیل عطا فرمائے اور مرحوم کی بخشش فرما کر بلند درجات عطا فرمائے۔۔ pic.twitter.com/uMetsXonlQ
— Prime Minister’s Office, Pakistan (@PakPMO) February 27, 2022
