یوکرین کے وزیر خارجہ دمتری کولیبا نے کہا ہے کہ یوکرین میں موجود پاکستانی طلباء کا تحفظ اسی صورت ممکن ہے جب پاکستان روس پر جنگ روکنے کیلئے دباؤ ڈالے۔
ٹوئٹر پر جاری اپنے بیان میں یوکرینی وزیر خارجہ نے کہا کہ میری پاکستان کے وزیر خارجہ شاہ محمود قریشی سے فون پر بات ہوئی ہے۔ پاکستان عالمی اداروں کے ان اقدامات کی حمایت کرتا ہے جو یوکرین میں امن کی بحالی کیلئے اٹھائے جا رہے ہیں۔
یوکرینی وزیر خارجہ کا کہنا تھا کہ پاکستان کے وزیر خارجہ نے یوکرین میں موجود اپنے طلباء کے تحفظ کے متعلق بھی گفتگو کی، جس پر میں نے زور دیا کہ روسی صدر پیوٹن کو روس کے خلاف جنگ روکنے پر مجبور کریں، یہ طلباء کے تحفظ کا بہترین طریقہ ہے۔
Call with Pakistani FM Shah Mahmood Qureshi. Pakistan supports steps in international organizations aimed at restoring peace in Ukraine. Discussed safety of Pakistani students. I stressed: the best way to guarantee their security is to force Putin to stop his war against Ukraine.
— Dmytro Kuleba (@DmytroKuleba) February 27, 2022
دوسری جانب ترجمان دفتر خارجہ کے مطابق وزیر خارجہ شاہ محمود قریشی نے یوکرینی ہم منصب کیساتھ ٹیلیفونک گفتگو میں کہا کہ تنازعات میں شدت میں کسی کا مفاد نہیں، پاکستان تنازعات کو مذاکرات،سفارتکاری کےذریعے حل کرنےکا خواہاں ہے۔
ترجمان نے بتایا کہ وزیرخارجہ نے پاکستانی کمیونٹی، بالخصوص طلباء کے انخلا کا معاملہ بھی اٹھایا اور کہا کہ انخلاءکے عمل میں یوکرینی حکام کے مثبت کردار کو سراہتے ہیں۔
