پاکستان اور عالمی صرافہ مارکیٹ میں سونے کی قیمتوں میں اضافہ ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 650 روپےکے بڑے اضافےکے بعد فی تولہ سونےکی قیمت ایک لاکھ 28 ہزار 600 روپے ہو گئی ہے۔ 10 گرام سونے کی قیمت بھی 558 روپے کے اضافے کے بعد ایک لاکھ 10 ہزار 254 روپے ہو گئی ہے۔

دوسری جانب عالمی صرافہ مارکیٹ میں بھی سونے کی قیمت میں اضافہ ریکارڈ کیا گیا ہے، فی اونس سونے کی قیمت 15 ڈالر کے اضافے کے بعد 1905 ڈالر پر پہنچ گئی ہے۔

یاد رہے کہ روس کے یوکرین پر حملے کے بعد عالمی اور مقامی صرافہ مارکیٹ میں سونے کی قیمتیں اتار چڑھاؤ کا شکار ہیں۔