عمران خان نے کہا کہ جنگ جیوگروپ نےشوکت خانم کے خلاف  جھوٹی خبریں لگائی ہیں اور وہ انصاف  کیلئےعدالت کا دروازہ کھٹکھٹائیں گے۔

تفصیلات کے مطابق عمران خان نے قوم سے خطا ب کرتے ہوئے کہا کہ جنگ جیوگروپ نے شوکت خانم ہسپتال سے متعلق جھوٹی خبر لگائی کہ ہسپتال کا پیسہ پارٹی کو جارہا ہے لیکن اتنی زحمت نہیں کی کہ شوکت خانم ہسپتال کی انتظامیہ سے اس کا مؤقف ہی لے لیتے۔

انہوں نے کہا کہ شوکت خانم انتظامیہ جھوٹی خبر پر جنگ جیوگروپ کے خلاف لندن میں مقدمہ کرنے جارہی ہے۔

وزیراعظم کا کہنا تھاکہ اس سے قبل ہمارے ایک وزیرپر بھی بے بنیاد الزام لگائے گئے اور انہوں نے لندن کی عدالت میں مقدمہ درج کر کے انصاف حاصل کیا۔اب ہمارے ایک اور وزیر کو بھی ایسے بے بنیاد الزامات کا سامنا ہے اور وہ بھی لندن کی عدالت سے رجوع کر رہے ہیں ۔