فیڈرل بورڈ آف ریونیو نے رواں مالی سال کے دوران کراچی سے 10 کھرب کی ٹیکس وصولی کا دعویٰ کیا ہے۔

فیڈرل بورڈ آف ریونیو (ایف بی آر) کی جانب سے جاری کئے گئے حالیہ اعلامیے میں بتایا گیا ہے کہ جولائی 2021ء سے فروری 2022ء تک کراچی سے ایک ٹریلین سے زائد کے ٹیکس وصول کئے گئے ہیں۔

تفصیلات کے مطابق ایف بی آر کو 920 ارب کی ٹیکس وصولیوں کا ہدف دیا گیا تھا، جبکہ لارج ٹیکس پیئر آفس نے ٹارگٹ سے 83 ارب روپے سے زیادہ ٹیکس وصول کیا۔اعلامیے میں بتایا گیا کہ فروری میں ٹیکس وصولی کا ہدف 105 ارب تھا جبکہ 107 ارب روپے کی وصولیاں کی گئیں۔

یاد رہے کہ رواں ماہ وزارت خزانہ نے بھی رواں مالی سال کے دوران ترسیلات زر میں 9 فیصد جبکہ برآمدات میں 27 فیصد ریکارڈ اضافے کے اعدادوشمار جاری کئے ہیں۔