وزیر مملکت برائے اطلاعات فرخ حبیب نے کہا ہے کہ بلاول بھٹو لانگ مارچ چھوڑ کر 12 اکاؤنٹس کا جواب دیں۔

فرخ حبیب نے اسلام آباد میں میڈیا سے گفتگو کرتے ہوئے کہا کہ ایک ممبر ریٹائرڈ ہونے سے اسکروٹنی کمیٹی غیرفعال ہے، اپوزیشن مگرمچھ کے آنسو بہانہ چھوڑ دے۔

انہوں نے کہا کہ روس اور یوکرین تنازع کے باعث تیل کی قیمتوں میں اضافہ ہوا، وزیراعظم نے بجلی اور پیٹرول کی قیمتوں میں کمی کا اعلان کیا، وزیراعظم کو عوام کی مشکلات کا احساس ہے۔

سماجی رابطے کی ویب سائٹ ٹوئٹر پر اپنے ایک پیغام میں فرخ حبیب نے کہا کہ ایف بی آر نے مالی سال 2021-22 جولائی تا فروری 8 ماہ میں 3799 ارب کا ٹیکس جمع کیا جو پچھلے مالی سال کی اسی مدت سے 30 فیصد زیادہ ہے۔

فرخ حبیب نے مزید کہا کہ 2018 میں ن لیگ حکومت کے آخری سال میں ٹوٹل ٹیکس 3800ارب جمع ہوا تھا۔