خیبر پختونخوا کی تحصیل درگئی میں بدبخت بیٹے نے فائرنگ کر کے اپنی ماں، بیوی، بھائی اور بھتیجی کو قتل کر دیا۔

تفصیلات کے مطابق یہ  افسوس ناک واقعہ ضلع مالاکنڈ کی تحصیل درگئی کے نواحی علاقے سورنہ میں پیش آیا، جہاں بیٹے نے فائرنگ کرکے ماں، بیوی، بھائی اور بھتیجی کو موت کے گھاٹ اتار دیا۔

درگئی پولیس کے مطابق ملزم واردات کرنے کے بعد وہاں سے فرارہوگیا جس کی تلاش شروع کردی گئی ہے، اور 4 لاشوں کو ہسپتال منتقل کردیا گیا ہے۔

اہل علاقہ کے مطابق ملزم کا ذہنی توازن درست نہیں ہے، اور یہ افسوسناک واقعہ گھریلو ناچاقی کے باعث پیش آیا، پولیس نے ملزم کی تلاش کیلئے علاقے کی ناکہ بندی کر دی ہے۔