اقوام متحدہ کی جنرل اسمبلی میں روس کیخلاف قرارداد میں پاکستان کے ووٹ نہ کرنے پر امریکی اراکین کانگریس نے وزیر خارجہ پر کڑی تنقید کی ہے۔
کمیٹی کے اجلاس میں اراکین کانگریس نے امریکی نائب وزير خارجہ برائے جنوبی ایشیاء سے سوال کیا کہ کیا اقوام متحدہ میں روس کیخلاف قرارداد کے دوران پاکستان سے رابطہ کیا گیا؟ کیا دفتر خارجہ سے کسی نے پاکستانی حکام کو فون کیا، کیا پاکستان کی حمایت طلب کی گئی؟
ان سوالات پر امریکی نائب وزیر خارجہ نے جواب دیا ، کہ پاکستان سے رابطہ نہیں ہو سکا۔
اراکین سینیٹ نے سوال کیا کہ جنوبی ایشیاء میں سری لنکا تک نے اس قرارداد کی حمایت نہیں کی، کیا کسی نے وزیراعظم عمران خان یا وزیر خارجہ کو اس اہم مقصد کیلئےفون کیا؟ امریکہ کے نائب وزیر خارجہ کے نفی میں جواب پر اراکین سینیٹ نے حکومت پر شدید برہمی کا اظہار کیا کہ سفارتکاری میں یہ رویہ انتہائی مایوس کن اور باعث تشویش ہے۔
یاد رہے کہ اقوام متحدہ کی جنرل اسمبلی کے ہنگامی اجلاس میں روس کیخلاف قرارداد اکثریت سے منظور کر لی گئی ہے، لیکن چین اور پاکستان سمیت 35 ممالک نے اس قرارداد پر ووٹ دینے سے گریز کیا تھا۔
