قصہ خوانی بازار میں واقع مسجد میں ہونے والے دھماکے میں متعدد افراد زخمی ہوگئے۔
پشاور کے معروف قصہ خوانی بازار کوچہ رسالدار میں واقع جامع مسجد میں دھماکے اور اس میں متعدد افراد کے زخمی ہونے کی اطلاعات ہیں، تاہم پولیس اور ریسکیو کی ٹیمیں جائے وقوعہ کا تعین کررہی ہیں۔
پولیس ذرائع کا کہنا تھا کہ دھماکے سے قبل علاقے میں اندھا دھند فائرنگ کی گئی اور اس کے بعد مسجد کے اندر دھماکا ہوگیا، جس میں متعدد افراد زخمی ہو گئے ہیں۔ تاہم ابھی کسی جانی نقصان کی تصدیق نہیں ہوسکی، ریسکیو ، پولیس اور بم ڈسپوزل اسکواڈ کی ٹیمیں جائے وقوعہ کی جانب روانہ ہوگئی ہیں۔
