پشاور کے قصہ خوانی بازار میں کوچہ رسالدار کی مسجد میں نمازِ جمعہ کے دوران دھماکا ہوا ہے جس کے نتیجے میں 30 نمازی شہید جبکہ 50 زخمی ہوئے ہیں۔
پشاور کے معروف قصہ خوانی بازار کوچہ رسالدار میں واقع جامع مسجد میں دھماکے سے 30 افراد شہید اور اس میں متعدد افراد کے زخمی ہونے کی اطلاعات ہیں، تاہم پولیس اور ریسکیو کی ٹیمیں جائے وقوعہ کا تعین کررہی ہیں۔ عینی شاہدین کے مطابق، دھماکا جمعے کی نماز کے دوران پیش آیا۔ دہشت گردوں نے پہلے مسجد میں گھسنے کی کوشش کی۔
دوسری جانب وزیراعلیٰ خیبرپختونخوا کے معاون خصوصی بیرسٹرسیف کا کہناہےکہ اطلاع ہے کہ دہشت گردوں نے پہلے مسجد میں گھسنے کی کوشش کی، دہشت گردوں کا پولیس کے ساتھ فائرنگ کا تبادلہ ہوا، ایک دہشت گرد مسجد میں داخل ہوا اورکارروائی کی۔
پولیس ذرائع کا کہنا تھا کہ دھماکے سے قبل علاقے میں اندھا دھند فائرنگ کی گئی اور اس کے بعد مسجد کے اندر دھماکا ہوگیا، جس میں متعدد افراد زخمی ہو گئے ہیں۔ تاہم ابھی کسی جانی نقصان کی تصدیق نہیں ہوسکی، ریسکیو ، پولیس اور بم ڈسپوزل اسکواڈ کی ٹیمیں جائے وقوعہ کی جانب روانہ ہوگئی ہیں۔وزیرِ اعظم عمران خان نے پشاور دھماکےکی مذمت کرتے ہوئے زخمیوں کو فوری طبی امداد فراہم کرنے کی ہدایت کی اور ساتھ ہی واقعے کی رپورٹ طلب کرلی۔
