پاکستان مسلم لیگ (ن) کے صدر شہبازشریف نے رمضان شوگر ملز ریفرنس میں بریت کی درخواست دائر کر دی ہے۔

شہبازشریف کی جانب سے رمضان شوگر ملز ریفرنس میں بریت کی درخواست دائر کر دی گئی ہے،  جس میں موقف اپنایا گیا ہے کہ رمضان شوگر ملز ریفرنس سے نہ میرا کوئی تعلق ہے، اور نہ ہی اس میں کوئی کرپشن سامنے آئی ہے۔ درخواست میں شہبازشریف کا کہنا تھا کہ میں نے بطور وزیر اعلیٰ پنجاب عوام کے اربوں روپے بچائے، میرے اقدامات سے میرے خاندان کو نقصان پہنچا۔ رمضان شوگر مل میں شئیر ہولڈر نہیں ہوں اور نہ ہی ڈائریکٹر ہوں، میں نے اپنی جائیداد بھی اپنے بچوں میں تقسیم کر دی ہے۔ شہباز شریف نے نیب کی جانب سے لگائے گئے الزامات کے حوالے سے کہا کہ نیب ابھی تک مجھ پر کوئی الزام ثابت نہیں کرسکا،  لہٰذا عدالت سے استدعا ہے کہ رمضان شوگر ملز ریفرنس سے مجھے بری کیا جائے۔

عدالت نے درخواست پر نیب کو نوٹس جاری کرتے ہوئے 11 مارچ کو جواب طلب کر لیا ہے۔