کم عمر ترین نوبل انعام یافتہ تعلیمی و سماجی رہنما ملالہ یوسف زئی نے پشاور حملے پر اپنے خیالات کا اظہار کرتے ہوئے کہا ہے کہ پشاور میں جانی نقصان پر دل افسردہ ہے۔
ملالہ یوسف زئی نے مائیکرو بلاگنگ سائٹ ٹوئٹر پر جاری کیے گئے پیغام میں کہا کہ میری سپورٹ اور دُعائیں پشاور حملے کے متاثرین اور ان کے پیاروں کے ساتھ ہیں۔
اُنہوں نے کہا کہ ہمارے لیڈروں کو شیعہ، ہزارہ، ہندو، عیسائی، پشتون اور بلوچ سمیت سب کے تحفظ کی ضمانت دینی چاہیے۔ ملالہ نے مزید کہا کہ ملک میں اس وقت تک کوئی امن نہیں پوگا جب تک کہ سب سے زیادہ کمزور طبقہ آزادانہ طور پر زندگی نہ گزارے اور عبادت نہ کرے۔
Heartbroken at the loss of life in Peshawar. I send prayers & support to victims & their loved ones. Our leaders must guarantee safety to all including Shia, Hazara, Hindu, Christian, Pashtun and Baloch. There is no peace until the most vulnerable can live and worship freely. https://t.co/rIjXKzHANV
— Malala (@Malala) March 4, 2022
واضح رہے کہ گزشتہ روز پشاور کے علاقے قصہ خوانی بازار کی جامع مسجد میں نماز جمعہ کے دوران خودکش دھماکے کے نتیجے میں 57 افراد شہید اور 200سے زائد زخمی ہوئے جن میں سے متعدد کی حالت نازک ہے۔سیاہ لباس میں ملبوس بمبار نے پہلے سیکورٹی اہلکاروں پر فائرنگ کی پھر منبر کے سامنے آکر خود کو دھماکے سے اُڑا لیا.
