وفاقی ویر برائے اطلاعات و نشریات فواد چوہدری نے شدت پسندی کو دہشت گردی کی بڑی اور اہم وجہ قرار دے دیا ہے۔
سماجی رابطے کی ویب سائٹ ٹوئٹر پر اپنے ایک پیغام میں دہشت گردی کے حوالے سے بات کی ہے۔فواد چوہدری نے اپنے پیغام میں کہا کہ شدت پسندی، دہشت گردی کی ایک بڑی وجہ ہے جسے دشمن ہتھیار بنالیتا ہے۔
ان کا کہنا تھا کہ ملک میں شدت پسندی کیخلاف بڑے اقدامات کرنے میں پارلیمان اور عدلیہ کا تعاون ناگزیر ہے جبکہ منبر، اسکول اور تھانوں کے کردار ادا نہ کرنے کا نتیجہ بھی ہے۔
دہشت گردی کے پیچھے سب سے بڑی وجہ شدت پسندی ہے، شدت پسندی کو دشمن ہتھیار بنالیتا ہے،شدت پسندی منبر،سکول اور تھانہ کے کردار ادا نہ کرنے کا نتیجہ ہے ریاست کے شدت پسندی کیخلاف بڑے اقدامات کرنے میں پارلیمان اور عدلیہ کا تعاون ناگزیر ہے ہمیں اقدام کرنے ہوں گے اس کیلئے اتفاق رائے چاہئیے
— Ch Fawad Hussain (@fawadchaudhry) March 5, 2022
انہوں نے کہا کہ ریاست سے دہشت گردی ختم کرنے کے لئے شدت پسندی کو ختم کرنا ضروری ہے جس کے لئے بروقت اقدامات کرنے ضروری ہیں اور اس کیلئے اتفاق رائے چاہئیے۔
خیال رہے کہ گزشتہ روز نماز جمعہ کی ادائیگی کے دوران کوچہ رسالدار میں خودکش دھماکے میں جاں بحق افراد کی مجموعی تعداد 57 ہوگئی جبکہ زخمیوں کی مجموعی تعداد 198ہے۔
